დიღმის ტყე-პარკში ცხვრით ვაჭრობა ისევ გრძელდება. ცხვრის ფარა აქ ყოველ დილით 9 -საათზე მოჰყავთ და საღამომდე აჩერებენ. ტყე-პარკის ტერიტორიაზე, ცხვრის დაკვლა-გატყავებაც ხდება.
უზენაესი სასამართლოს გადაწყვეტილებით, დიღმის ტყე-პარკს სარეკრაციო სტატუსი აღარ დაუბრუნდება. კავკასიის გარემოსდაცვითი არასამთავრობო ორგანიზაციის `სენისა~ და მოქალაქე ანა გაბრიაძის საჩივარი სასამართლომ დაუშვებლად ცნო.
დიღმის ტყე–პარკის ისტორია 1934 წელს იწყება. პარკი სანერგე მეურნეობის ფუნქციას ასრულებდა და სხვადასხვა ჯიშის ნერგებით მთელ ქალაქს ამარაგებდა. მას აგრეთვე ქარსაცავი ზოლის ფუნქციაც ჰქონდა. ტყე-პარკი თბილისელებისთვის სასეირნო და დასასვენებელი ადგილია.