პირველი თბილისური ესტაკადური ექსპერიმანტი გმირთა მოედანმა დაგვანახა,აქური მობინადრეები კარგა ხანია იძულებით ფანჯრებამოკეტილ სახლბში ცხოვრობენ, რადგან გაუსაძლისია ის ხმაური და მანქანების გამონაბოლქვით გავსებული ჰაერი, რაც აქ ესტაკადის მშენებლობის შემდეგაა. მოსახლეობასთან შეხვედრისას, ბევრმა გვითხრა. რომ ბინების გაყიდვას  და სხვა უბანში გადასვლას აპირებენ, რადგან საცხოვრებლად ეს უბანი უკვე სრულიად გამოუსადეგარია.

 თბილისი თავისი გეოგრაფიული  მდებარეობით მრავალიარუსიანი ქალაქია და  როგორც სპეციალისტები გვარწმუნებენ, აქ ყოველი მასშტაბური მშენებლობის დაწყებას განსაკუთრებული გეოლოგიური კვლევები და ეკოლოგიური დასკვნები სჭირდება, რადგან ამ მოცულობის სამუშაოები სახეს უკარგავს ქალაქის ლანდშაფტს და დროთა განმავლობაში  ცვლის ბუნებრივ კლიმატს.